๐๐ถ๐ป๐๐ฒ (๐ญ๐ฑ) ๐ธ๐ฎ ๐๐๐ถ๐ด ๐ถ๐๐ถ๐ฝ ๐ฝ๐ฟ๐ผ๐ด๐ฟ๐ฎ๐บ๐ฎ ๐๐ด ๐๐ฝ๐ฎ๐ (๐ฐ) ๐ธ๐ฎ ๐๐๐ถ๐ด ๐ถ๐๐ถ๐ฝ ๐ฅ.๐. ๐ญ๐ญ๐ฏ๐ญ๐ฌ
Mga katuigan kauban ang Pantawid Pamilyang Pilipino Program sa DSWD.
Ug karon ila-ilahon ‘ta ang usa ka istorya sa usa ka 4Ps beneficiary nga gikan sa kapobrehon nagmalahutayon sa iyahang paningkamot ug karon nahimo na nga empleyado sa buhatan ug andam muserbisyo sa katawhan.
Ika-duha sa upat ka managsoon si Ezri Coda, Jr. Lumulupyo sa Purok Pag-asa, Brgy. Monte Dujali, San Isidro, Davao del Norte. Dako kaayo ang pagpasalamat ni Ezri tungod sa dakong tabang nga nahatag sa ilahang pamilya gikan sa Pantawid Pamilya (4Ps) ug ubang programa sa DSWD. Nahimong tulay ang buhatan ug maong mga programa aron sila makalahutay sa mga bayrunon nila sa eskwelahan, pamugas ug pamalit ug mga sinina.
Mahinumduman ni Ezri kaniadto sa wala pa ang 4Ps kung unsa kalisud ang ilahang pamuyo. Diin pagpanguma ang gisaligan nila sa matag adlaw. Bisan pa man sa kakugi sa ilahang mga ginikanan aron makab-ot ang ilang nag-unang panginahanglanon, mapugos pa gihapon sila sa pagdiskarte bisan pa sa linghod nga pangedaron.
Gani sa elementarya pa siya nagatabang na siya sa pagpananggi og mais aron makabugas diin tinaro ang pagbahin. Gapanuroy sab sila magsoon og mga gulay sama sa batong, talong ug anaa sab mga prutas. Gabaligya sab si Ezri og mga kakanin sa ilahang eskwelahan.
Sa pag-abot sa 4Ps, nakapokus na sa pag-eskwela sila Ezri ug gani nahimo pa silang mga honor students. Migraduate si Ezri sa elementarya isip Valedictorian, samtang Salutatorian sab ang iyahang ate. Sa high school mihuman sab siya isip valedictorian ug 1st honorable mention ang iyahang igsoon.
Graduate na sa BS Business Adminstration Major in Marketing ang ate ni Ezri, samtang siya milampos sa kolehiyo ubos sa kurso nga BS Psychology. Graduating na sab sa college ang ika-3 sa ilahang mag-igsoon ug pahumanay na sa senior high school ang ilahang kinamanghuran.
Human sa pagpanimpalad ni Ezri, nakasulod na siya sa trabaho ubos mismo sa buhatang mi-agak kanila sa kapobrehon. Nadawat si Ezri isip Information Officer sa DSWD Field Office XI. Mapasalamaton siya sa tanang programa sa DSWD sama sa AICS, Cash for Work sa DRMD, SLP ug KALAHI-CIDSS tungod sa managlahing tabang nga naangkon nila. Ug labaw sa tanan ang Pantawid Pamilyang Pilipino Program nga mihatag kaniya og higayon, kadasig ug inspirasyon aron magmalampuson sa kinabuhi.