Nagsugod na ang konstruksyon sa upat ka mga proyekto sa Department of Social Welfare and Development (DSWD) XI pinaagi sa programa niini nga Kapit-Bisig Laban sa Kahirapan – Comprehensive and Integrated Delivery of Social Services (KALAHI-CIDSS) – PAyapa at MAsaganang PamayaNAn (PAMANA).

Managlahi nga proyekto ang gisugdan sama sa eskwelahan, multi-purpose building, barangay isolation unit, ug barrel box culvert nga nahimutang sa mga barangay sa San Miguel, Aurora, Lagab, ug Bagongon.

Misalmot sa groundbreaking ceremonies ang mga opisyal sa munisipyo ug barangay, municipal ug area coordinating teams sa KALAHI-CIDSS, ug mga lumulupyo sa Compostela apil na ang mga Indigenous Person Mandatory Representatives (IPMR).

Ang KALAHI-CIDDS PAMANA usa ka programa inubanan sa DSWD, Office of the Presidential Adviser on Peace Process (OPAPP), ug National Commission on Indigenous People (NCIP) nga adunay misyon sa pagpahupay ug paghatud alibyo sa kakabos diha sa mga lokal nga komunidad, partikular sa pagtabang sa pagpalambo sa mga komunidad sa mga miyembro sa IPs.