Gibansay sa Department of Social Welfare and Development XI, ubos sa KALAHI-CIDSS program, ang mga Barangay Local Government Units (BLGUs) ug Community Volunteers (CVs) gikan sa upat ka mga barangay sa Mawab, Davao de Oro pinaagi sa Pre-Implementation Workshop alang sa Cycle 2 nga implementasyon sa Kapangyarihan at Kaunlaran sa Barangay (KKB) – Community-Driven Development (CDD) niadtong May 29 – 30, 2025. 

Ang maong kalihokan gitumong sa pagpangandam sa mga partisipante alang sa epektibo ug episyenteng pagpahigayon sa sub-projects kung asa naglakip kini sa mga diskusyon, problem-solving sessions, ug simulation exercises sa procurement processes aron mahibaw-an ang mga angay nga buhaton sa aktuwal nga implementasyon sa proyekto. Kini nga pamaagi nagpalig-on sa ilang kahibalo sa mga polisiya ug pamaagi sa procurement, finance management, ug infrastructure management nga gikinahanglan sa KALAHI-CIDSS KKB-CDD framework.

Human sa duha ka adlaw nga kalihokan, ang mga BLGU ug BDC-TWG community volunteers nakab-ot ang mas lawom nga pagsabot sa proseso sa community empowerment ug nahimong andam sa pagdumala sa mga aspeto sa proyekto nga may kalabutan sa procurement, panalapi, ug imprastruktura.

Ang maong workshop usa ka lakang sa DSWD aron masiguro nga ang mga komunidad adunay kapasidad ug kahibalo sa pagpatuman sa ilang mga proyekto nga makahatag og dugang nga serbisyo ug kaayohan sa ilang lugar.

#BawatBuhayMahalagaSaDSWD

#DSWDSaOnse

#MagKALAHITayoPilipinas