Nagpahigayon ang Department of Social Welfare and Development XI pinaagi sa Kapit-Bisig Laban sa Kahirapan – Comprehensive and Integrated Delivery of Social Services (KALAHI-CIDSS) og Pre‑Bid Conference alang sa sub-proyektong Construction of Skills and Livelihood Training Center sa Barangay Lipol, Lungsod sa Sarangani karong adlawa, Hunyo 23, 2025.

Tumong niini nga mahatagan og saktong impormasyon ang mga prospective bidders kabahin sa proyekto, lakip na sab ang pagpalig-on sa prinsipyo community-driven development nga participation, transparency ug accountability.

Ang maong proyekto nagkantidad og ₱8,065,213.48 ug giplanong matukod sulod sa 90 ka adlaw gikan sa pagpahigayon og groundbreaking ceremony. Sa maong aktibidad, gipahayag ang mga Key Performance Indicators (KPIs) nga naglangkob sa 35 % nga partisipasyon sa kababayen‑an sa paid labor, 10 % nga miyembro sa Pantawid Pamilyang Pilipino Program (4Ps), ug mga Indigenous People. 

Kini gilaraw aron masiguro nga ang Skills and Livelihood Training Center dili lang maghimo og pasilidad, kundi mahimong simbolo sa lokal nga paglahutay, kalambuan, ug pagkahiusa sa komunidad.

#BawatBuhayMahalagaSaDSWD

#DSWDOnse

#MagKALAHITayoPilipinas