Miabot sa 5,059 ka mga Filipino Households dinhi sa rehiyon onse ang nahibalik isip aktibong mga benepisyaryo ubos sa Pantawid Pamilyang Pilipino Program human sila na-tag isip Non-Poor Households gikan sa gipagawas nga resulta sa Listahanan 3 ubos sa National Household Targeting System for Poverty Reduction kon NHTS-PR isip maoy Standardized Targeting System (STS) nga gamit sa 4Ps nga anaa sa R.A. 11310 kon 4Ps Act.

Kini nga mga benepisyaryo wala dayon gitanggal tungod base sa monitoring sa programa gilantaw nga dili pa gayud sila maingong non-poor o mitongtong sa gitawag nga Level 3 (Self-Sufficient) nga well-being o pamuyo.

Tungod niini, mideklara si Secretary Rex Gatchalian sa usa ka re-assessment nga i-implementar sa mismong programa sa Pantawid Pamilya kung asa gamiton ang gitawag nga Social Welfare and Development Indicator kon SWDI nga usa ka tool aron masuta ang tinuod nga kahimtang sa maong mga pamilya. Aduna kiniy kalahian sa gamit sa mismong Listahanan 3. Apan gilantaw nga mas masubay niini ang tumong ug tinguha sa programa alang sa mga benepisyaryo niini.

Anaa sa kapin 40,000 ka mga tagged as non-poor nga mga benepisyaryo ang gikinahanglan bisitahon alang sa re-assessment ug balidasyon sa programa.

Gikan pagsugod niadtong Agosto, 2023 sa SWDI re-assessment, nagpagawas na karon og hinay-hinay sa inisyal nga mga listahan ang 4Ps sa mga benepisyaryo nga mamahimo na mabalik isip active beneficiaries.

Nagpagawas ang DSWD Field Office XI ug 4Ps sa usa ka sertipikasyon ug memorandum diin anaa sa 5,049 kabuok gikan sa Batch 2 Listahanan 3 Non-Poor ang anaa pa sa Level 1: Survival Level (30 households) ug Level 2: Subsistence Level (5,029). Ug tungod kini sila padayong nagtuman sa mga kondisyon sa programa sukad Enero hangtud Setyembre niining tuig, lauman nila nga sila makadawat og retro-payment sa ilahang cash grants.

Ania ang pipila ka mga mensahe sa mga nabalik nga active beneficiaries sa 4Ps dinhi sa Rehiyon Onse:

Ginalauman samtang gapadayon og tiwas sa re-assessment ug gapadayon sab ang balidasyon nga madungagan pa ang batches sa mabalik nga mga benepisyaryo sa programa.

Tungod dinhi walang maiiwan sa Bagong Pilipinas!
#BawatBuhayMahalagaSaDSWD