𝗞𝗶𝗻𝘀𝗲 (𝟭𝟱) 𝗸𝗮 𝘁𝘂𝗶𝗴 𝗶𝘀𝗶𝗽 𝗽𝗿𝗼𝗴𝗿𝗮𝗺𝗮 𝘂𝗴 𝘂𝗽𝗮𝘁 (𝟰) 𝗸𝗮 𝘁𝘂𝗶𝗴 𝗶𝘀𝗶𝗽 𝗥.𝗔. 𝟭𝟭𝟯𝟭𝟬
Ila-ilahon ‘ta ang usa ka istorya sa usa ka 4Ps beneficiary (MCCT-IP) gikan sa tribo nga Mansaka sa Maragusan Municipality, Davao de Oro. Hatud sa programa ang pagkab-ot niya sa iyahang mga pangandoy nga makalampus sa pag-eskwela ug makatrabaho na sab. Siya si Mejean Q. Bacatcat, 31 anyos, minyo ug adunay usa ka anak.
Naningkamot nga makalahutay sa pag-eskwela si Mejean bag-o pa man naabot ang 4Ps, apan, tungod sa kalisud ug kapobrehon, naundang siya sa pag-eskwela, naminyo ug nagka-anak. Mao kini ang gilantaw niya nga pinakasakit nga nahitabo sa iyahang kinabuhi diin nagtuo siya nga dili na niya makab-ot pa ang iyahang mga pangandoy. Labi naang iyahang bana trabahante lamang sa usa ka plantation diin katulo lang sa semana makatrabaho tungod dili regular ang income niini.
“Sa kagustuhan nako nga makahuman og eskwela bisan pamilyado na nangita ko og paagi nga ma-iskolar tuod man nakakuha ko og full scholarship sa usa ka private sector. Apan, bisan man iskolar,m daghan kaayo og gastuhonon sa pag-eskwela, sa panimalay, ug para sa akong anak.”
Tuig 2014 na-survey ug nakarga sa Pantawid Pamilya si Mejean. Susi ang maong programa aron matabangan siya sa iyahang pag-eskwela apil na sab ang iyahang anak ug tibuok pamilya. Gawas sa cash grants, gilantaw niya nga dakong tabang sab ang mga Community Development Sessions (CFDS) diin daghan siya nakat-unan.
“Daghan ang na-impart sa akoa nga pagtulun-an sama sa parenting, family planning, orientation sulod sa panimlay ug daghan pa nga input nga makatabang sa amoang kinabuhi. Dungag pa niana ang mga cash for works, UCT ug ang libreng PhilHealth diin wala na gyud koy mabayran panahon nga naay ma-ospital sa amoa.”
Karon nakahuman na sa pag-eskwela sa kolehiyo si Mejean sa kursong BS Business Administration ug miangkon pa og academic distinction sa iyahang eskwelahan sa Tagum City. Giatangan niya nga makasulod sa pagpanarbaho sa mismong DSWD Field Office XI. Dinhi, nakahigayon siya nga makuha isip Administrtaive Assistant I.
“Dagu dagu yang pagpasaramat ko sang 4Ps na programa ng goberno kay yakaburig yani, buku lang kanak kundi arag sang mga kainagadan ko na yamaimong benepisyaryo. (Dako akoang pasalamat sa 4ps nga programa sa goberno ky nakatabang kini dili lang sa akoa apil na sa akong mga kaubanan nga nahimong beneficiary). Madaig na saramat!”
Maagap at Mapagkalingang Serbisyo!
