45,783 ka mga senior citizens sa Davao Oriental ang nakadawat sa ilang social pension alang sa unang semestre sa tuig 2023 diha sa gipahigayong payout sa mga nagkadaiyang lungsod niadtong milabay nga semana.

Ang maong payout gipangunahan sa Department of Social Welfare and Development (DSWD) Field Office XI Social Pension Program Management Office nga gipangulohan ni Maria Victoria N. Arancon.

Mikabat sa PHP137,349,000 nga pondo ang kinatibuk-an nga gipang apod-apod ngadto sa mga benepisyaryo nga nakadawat og tag PHP3000 matag usa. ###