Nangandam na ang DSWD Region XI sa posibleng epekto sa muabot nga bagyo karong semanaha.S

a gipahigayon nga Pre-Disaster Risk Assessment (PDRA) nga gipangulohan sa Office of Civil Defense (OCD XI), gibutyag ni Disaster Response Management Division (DRMD) Chief Lolita Roble nga adunay igong ihap sa family food packs ug non-food items nga andam ipanghatag sa mga lungsod, siyudad ug probinsya’ng manginahanglan sa maong ayuda panahon sa krisis nga dala sa maong kalamidad.

“As of now, we have 15,681 family food packs ready in our DSWD warehouse ready for deployment to the requesting local government units,” sumala ni Division Chief Roble.Dugang pa niana, aduna sab Php 8.3 milyon nga kantidad sa raw food materials nga pwedeng ipandungag sa family food packs, Php 16.4 milyon nga kantidad sa non-food items ug Php 5 milyon nga standby funds nga pwedeng gamiton aron madungagan ang food packs sa DSWD sa higayon kini magkulang.

Sa pagkakaron, ang ginamonitor nga bagyo anaa pa gawas sa Philippine Area of Responsibility (PAR) apan kini gilaumang musulod sa PAR karong adlawa ug kini tawagon nga “Odette” pagsulod sa PAR. Padayon gihapon ang pagbantay ug koordinasyon nga ginapahigayon sa managlahing ahensiya ubos sa Regional Disaster Risk Reduction Management Council (RDRRMC), apil na sa mga local government units.